တစ်ခါကလယ်သမားတစ်ယောက်ပိုင်ရေ မြင်းပု ချေတစ်ကောင်စွာရီတွင်းပျက်တစ်ခုထဲကိုလူးကျလားပါ ရေ။ အစမှာလယ်သမားက ဘေး ပတ်ဝန်းကျင်ကို အော် ပနာ အကူ အညီ တောင်းပါရေ။နောက်ပိုင်း မှာ ဒေမြင်း ပုစွာအလုပ်လုပ်ပီးစွာလည်းကြာဗျာလ်။အသက်လေ့ကြီးနိန်ဗျာလ်အသုံးလေ့ကကောင်းဝင်ဖို့မဟုတ်ဗျာလ် ဆို ပနာမြင်းပုချေ ကို ပြန် မဆယ် ဖို့ ဆုံးဖြတ်လိုက် ပါရေ။ဘေးပတ်ဝန်း ကျင်ကလူ တိ ကို အကူ အညီ တောင်း ပနာ ရီတွင်းပျက်ကို မြေဖို့ ဖို့အနား ပတ်ဝန်းကျင် က မြေတိကို တူးပနာ ရီတွင်း ပျက် ထဲကို ပစ်ချ ခိုင်းပါရေ။
မြင်းပုချေမိတ်ဆွေတိက ယင်းအခြင်းအရာကိုမြင်ရေခါ ကကောင်းစိတ် မကောင်းဖြစ်လားကတ် ပါရေ။ ယကေလည်းထိုင် ကြည့်နိန်ရုံက လွဲပြီးကေ တခုလည်း မလုပ်ပီးနိုင်ကတ်ပါ။ ပထမ အဖြစ် အပျက် တိကိုမြင် လိုက်ရ ရေခါ မြင်းပုချေစွာ ၀မ်းနည်း ပက်လက် ကကောင်း အော်ငိုပစ်လိုက်ပါရေ။ နောက် လူတိ ကကောင်း အံ့သြ လောက် အောင် ထိ မြင်းပုချေငြိမ်ကျ လားပါရေ။ လယ်သမားက မသင်္ကာ လို့ ရီတွင်းပျက် ထဲကို မြေ ခဲတခဲပစ်ချယင်း ကြည့်လိုက်တေ အခါမှာ ကကောင်းအံ့သြ ဖို့ကောင်း ရေ အခြင်းအရာ တစ်ခုကို တွီ့ လိုက် ရပါရေ။ မြေတုံး၊ မြေခဲတိ နောက်ကုံးထက်ကို ကျ လာ တိုင်း၊ မြင်းပုချေစွာမြေခဲတိကို ခါချပစ်ပနာ အထက် ကို တက်ရပ်လိုက်ပါရေ။ လယ်သမား နန့် အိမ်နီးနားချင်းတိ မြေတုံး၊မြေခဲတိ ပစ်ချလီ မြင်းပုချေက ကျလာ စွာတိကို ခါချ ပစ် ပ နာ အထက် ကို တစိချေစီ မြင့်တက်လာလီပါဗျာလ်။ နောက်ဆုံးမှာ မြင်းပု ချေ စွာရီ တွင်းပျက် ထဲက လုံးဝ ကျွတ်လွတ်လားပါရေ။
ဘ၀သင်ခန်းစာ။ ။ ကျွန်တော်ရို့ဘ၀လေ့ မြင်းပုချေနန့် ထူးမခြားနားပါ။ ကျွန်တော်ရို့ကိုလည်း မကောင်းရေအပြုအမူ၊ စကားလုံး ၊အရွီးအသား၊ နည်းလမ်းပေါင်းစုံနန့် အပစ်ခံနိန်ရစွာပါရာ။ ပစ်လိုက်တေ အနှောင့်အယှက်တိုင်းကို အောက်ခံနင်းပြားတစ်ခုအဖြစ်ပြောင်းရဖို့ တာဝန်က ကျွန်တော်ရို့တာဝန် ပါရာ။ ကျွန်တော်ရို့ဇာဖြစ်လားလေဆိုစွာက ကျွန်တော်ရို့ဇာပိုင်တုံ့ပြန်ခလေဆို စွာမှာရာ မူတည်ပါရေ။ ကျွန်တော် ရို့ အနက်ဆုံးရီတွင်းထဲက လက်မြှောက် အရှုံးမပီးဘဲ လွတ်မြောက်နိုင်ရေဆိုစွာကို အမြဲတမ်းယုံကြည်ပါ။ ခါချလိုက်ပနာ အထက်ကို တလှမ်းချင်း တက်နိန်လိုက်ရုံပါရာ သူငယ်ချင်းရို့…။
KWKhaing(AMP)
ကောင်းပါရေ ၀တ္တုချေကသင်ခန်းစာရပါရေ ကျေးဇူးပါကိုး နောက်လည်းအများကြိးတင်နိုင်ပါစိလို့...........
ReplyDelete